| 恭喜發財！ 喜上加喜！ 發過豬頭！ 財源廣進！ 一到新年又係錢，哈哈！ |
| |
| 第二輪的同屆飯昨天晚上開始了，大榮華的食物都算不過不失吧，重俾我見到轁轁，不禁問一句，點解可以咁肥既呢？仲有，原來食豬油撈飯一定要落兩匙茶豬油，係規定架，有律師在場證實的。食完飯諗左好耐都冇節目，畢竟元朗真是沒什麼地方好玩吧，終於去了打機再食佳記糖水，居然有人會諗 B 仔涼粉會係一整碗涼粉架？莫名其妙。 再一次恭喜梁 前程似錦！真心祝福你。 係深圳工作剛好四個月了，跟當初的期望的也接近了，的確可以接觸不少管理層面的事，面對了不少決策性的難題，係就係生活枯燥了些，不過工作漸漸多了，時間也感覺過得愈來愈快，每日都好似以前趕 assignment 咁，都幾刺激！唔知係咪工作層面唔同了，少了分嬉戲人生的感覺，愈見對人生觀的轉變，已不像以前般喜歡吹水說笑，只有見番班兄弟先找回「童真」的一面，所以說奶佬，唔好唔俾我串下喇，否則我連基本的求生﹝係同屆中﹞的技能也會消失了！多謝你！ |
| |
| 係深圳工作左一個星期了，明天又要番去，係過去一個星期，令我有點回想到四年前入Hall 時的心情，好掛住平時的朋友，好掛住平時的生活，第一天真的眼淚在心中流，坐係房，面對住四面牆，好想搵人傾下計，個種寂寞的感覺，永遠都唔會忘記。
終於過了一個星期，臨番香港的一刻，真係好好好興奮，番到來見到女朋友，一班兄弟，仲有屋企人，好唔想呢兩日咁快過。同大家相眾的一晚可以好好慰藉我空虛的心情。
分別真的更令我看重、珍惜所擁有的所有朋友，待我再奮鬥一星期，又可以同大家見面了！ |
| |
| 我終於下定決心，係個多星期後，開始我新的人生！
今日同大老板傾完計，令我諗得更多，原來一直自己的意志都唔夠堅定，目標唔夠明確，真係聽君一蓆話，勝讀十年書！
自己係一個少說多做的人，現在諗清諗楚知道點做，希望下次再寫的時候會有一小步前進吧！ |
| |
| 一日難忘
尋找不存在的賽車場，不斷被無數的市民點；
彷彿吃不完的肥羊肉，源源不絕咁送入口中；
外表好不美的酒瓶兒，面紅的臉只會說錯話；
數把似笑非笑的叫喊，抖得她們也都只懂笑；
近大半日的冒險旅程，要我兄弟哥兒聲力竭。
Alvin
29/5/06 |
| |
